អ្នកវិទ្យាសាស្ត្រ៖ អារម្មណ៍ឯកោ ប៉ះពាល់យ៉ាងខ្លាំង ដល់មនុស្ស និងអាចធ្វើ ឲ្យពួកគេ ឆាប់ស្លាប់បាន!

ប្រភពមកពីៈhttp://www.khmerload.com

អាមេរិក៖ ជាការពិតណាស់ ភាពឯកោ គឺបានផ្តល់ឲ្យ មនុស្សនូវអារម្មណ៍ មិនល្អដែល អាចធ្វើឲ្យ យើងក្លាយទៅជា មនុស្សទុក្ខសោក និងជាមនុស្ស មិនសូវមាន ភាពរស់រវើក លើសពីនេះទៀត អ្នកវិទ្យាសាស្ត្រ ក៏បានបញ្ជាក់ ទៀតថាការ រស់នៅដោយ ភាពឯកោ អាចធ្វើឲ្យមនុស្ស ឆាប់ស្លាប់។

យោងតាមប្រភព របាយការណ៍របស់ ក្រុមអ្នកវិទ្យាសាស្ត្រ នៃសាកលវិទ្យាល័យ Brigham Young របស់សហរដ្ឋ អាមេរិក បានឲ្យដឹងថា ភាពឯកោ ជាអារម្មណ៍ មួយប្រភេទដែល មនុស្សជាច្រើន ឧស្សាហ៍កើតមានឡើង ហើយវាអាច មានជាប្រចាំ សម្រាប់មនុស្ស មួយចំនួន បានជំរុញឲ្យ ពួកគេជួបប្រទះ បញ្ហាជាច្រើន ជាពិសេស គឺទាក់ទងទៅនឹង អារម្មណ៍និង សុខភាពតែម្តង ដែលអាចនាំឲ្យ ពួកគេឆាប់ជួប ប្រទះនឹងសេចក្តីស្លាប់។

ក្នុងនោះរបាយការណ៍ ក៏បានបញ្ជាក់ទៀតថា អារម្មណ៍នៃ ភាពឯកោ អាចនឹងធ្វើឲ្យ មនុស្សមាន មានបញ្ហាសុខភាព ជាច្រើនរួមមាន ជំងឺទឹកនោមផ្អែម, មានដំណើរការ មិនប្រក្រតី ខាងផ្នែក សរីរាង្គ, ឬក៏អាចធ្វើ ឲ្យមនុស្ស ធាត់ជ្រុលជាដើម។

ក្រៅពីនេះទៀត មនុស្សដែល មានអារម្មណ៍ឯកោ ក៏អាចធ្វើឲ្យ មានការប៉ះពាល់ ទៅដល់អាកប្បកិរិយា និងការរស់នៅ ប្រចាំថ្ងៃរបស់ ពួកគេផងដែរ ដូចជានាំឲ្យ ពួកគេឈាន ទៅរកភាព ខ្វះខាតក្នុងការ ទាក់ទងជាមួយ អ្នកដទៃ នៅក្នុងសង្គម ឬក៏ផ្តាច់ខ្លួន ចេញពីសង្គម ជាដើម ដែលកត្តាទាំងនេះ សុទ្ធតែជា បញ្ហានិង គ្រោះថ្នាក់សម្រាប់ មនុស្ស។

នាង Julianne Holt-Lunstad អ្នកវិទ្យាសាស្ត្រនៃ សាកលវិទ្យាល័យ Brigham Young បាននិយាយថា “ពិតណាស់នេះ គឺជាបញ្ហា មួយដែលយើង គួរតែយកចិត្តទុកដាក់ ព្រោះថាវាបាន ជះឥទ្ធិពលយ៉ាងខ្លាំង មកដល់សុខភាព និងអត្តចរិត របស់មនុស្ស ហើយម្យ៉ាងវិញទៀត បញ្ហានេះគឺ កើតមានឡើង ដោយមិនដឹងខ្លួន ព្រោះថាមិនងាយ មានអ្នកណាដឹងថា ខ្លួនកំពុងមាន អារម្មណ៍ឯកោ នោះទេដូច្នេះ ការស្រាវជ្រាវនេះ ក៏ជាការដាស់តឿន មួយដ៏ល្អផងដែរ”។

យ៉ាងណាមិញ នេះគឺជា ការរកឃើញ ថ្មីមួយទៀត ដើម្បីជាការ ដាស់តឿន និងដំបូន្មាន ព្រោះថាអារម្មណ៍ នៃភាពឯកោ គឺបានប៉ះពាល់ យ៉ាងខ្លាំង មកដល់មនុស្ស ជាពិសេសវា អាចធ្វើឲ្យ មនុស្សកើតជំងឺ កាចសាហាវ ជាច្រើនទៀត ដែលជាកត្តា នាំឲ្យមនុស្ស ឆាប់ស្លាប់បាន៕

រូបភាព បង្ហាញពីមនុស្ស ដែលកំពុង មានអារម្មណ៍ឯកោ

6:31 PM   by liv samnang ·   0

មិនគួរឲ្យជឿថា ផ្លែបឺរ មានអត្ថប្រយោជន៍ ល្អយ៉ាងនេះសោះ

ប្រភពមកពី៖khmerload.com

នេះជាដំណឹងល្អ សំរាប់អ្នកដែលចូលចិត្ត ពិសាផ្លែបឺរ ថ្វីត្បិតវាមានតំលៃ ថ្លៃគួរសម ប៉ុន្តែក្រឡេកមើល អត្ថប្រយោជន៍សំខាន់ៗ ទាំង១៥មុខ របស់វាខាងក្រោមនេះ អ្នកពិតជា មិនស្តាយប្រាក់នោះទេ។

 ១) ថែរក្សា បេះដូង អោយមានសុខភាពល្អ

ផ្លែបឺរមានផ្ទុក វីតាមីន B6 និងអាស៊ីតហ្វូលិ ដែលជួយគ្រប់គ្រងកម្រិត homocysteine ។ កម្រិតខ្ពស់នៃ homocysteine អាចបង្កឲ្យមានជំងឺបេះដូង ខណៈដែល ផ្លែបឺរ មានផ្ទុកផងដែរវីតាមីន E, glutathione និងមានជាតិខ្លាញ់ monounsaturated ដែលជួយរក្សា អោយបេះដូងមានសុខភាពល្អ។

 ២) រក្សាលំនឹងសម្ពាធឈាម

ផ្លែបឺរក៏ជាប្រភព ដ៏អស្ចារ្យ នៃសារធាតុប៉ូតាស្យូម ដែលអាចជួយ ក្នុងការគ្រប់គ្រង កម្រិតសម្ពាធឈាម។

 ៣) លក្ខណៈសម្បត្តិប្រឆាំងនឹងការរលាក

នៅក្នុងផ្លែបឺរមានសារជាតិ polyphenols និងសារជាតិ flavonoids ដែលត្រូវបានគេរកឃើញថាមានគុណប្រយោជន៍ប្រឆាំងនឹងការរលាក ដោយហេតុនេះ ហានិភ័យនៃការរលាក ត្រូវបានកាត់បន្ថយ។

 ៤) ជួយដល់ភ្នែក

ផ្លែបឺរគឺជាប្រភព ដ៏ប្រសើរនៃសារជាតិ carotenoids lutein ដែលគេស្គាល់ថា ដើម្បីជួយការពារប្រឆាំង នឹងជំងឺភ្នែកឡើងបាយ ឬភ្នែកងងឹតទៅតាមអាយុ ។

 ៥) គ្រប់គ្រងកម្រិតជាតិស្ករក្នុងឈាម

សារធាតុខ្លាញ់ monounsaturated (ល្អ) នៅក្នុងផ្លែបឺរ អាចមានភាពធន់នឹង អាំងស៊ុយលីប ដែលជួយគ្រប់គ្រង កម្រិតជាតិស្ករក្នុងឈាម។ ផ្លែបឺរក៏មានផ្ទុកជាតិសរសៃរលាយ ដែលរក្សាកម្រិតជាតិស្ករក្នុងឈាម អោយមានស្ថិរភាព។

 ៦) ការទប់ស្កាត់ពិការភាពពីកំណើត

ផ្លែបឺរគឺសំបូរអាស៊ីតហ្វូលិក (Folate), វីតាមីន B1 ដែលត្រូវបានគេស្គាល់ជាទូទៅថា ជាទឹកអាស៊ីតហ្វូលិក។ ផ្លែបឺរមួយពែង ផ្តល់ប្រហែល ២៣ ភាគរយ នៃជាតិអាស៊ីដហ្វូលិក ដែលមនុស្សត្រូវការ ជាប្រចាំថ្ងៃ។ ចំនួនខ្ពស់នៃជាតិអាស៊ីដហ្វូលិក នៅក្នុងផ្លែបឺរគឺមានសារៈសំខាន់ក្នុងការបង្ការពិការភាពពីកំណើត ដូចជាការខូចបំពង់សរសៃប្រសាទ និង ពិការភាពកុមារ ជាដើម។

 ៧) បន្ថយហានិភ័យជំងឺដាច់សរសៃឈាមខួរក្បាល

កម្រិតខ្ពស់នៃជាតិអាស៊ីដហ្វូលិក នៅក្នុងផ្លែបឺរ ក៏អាចការពារប្រឆាំង នឹងជំងឺដាច់សរសៃឈាមខួរក្បាល ផងដែរ។ ការសិក្សាមួយ បានបង្ហាញថា អ្នកដែលញ៉ាំអាហារ សម្បូរទៅដោយជាតិអាស៊ីដហ្វូលិក មានការថយចុះហានិភ័យ នៃជំងឺដាច់សរសៃឈាមខួរក្បាល ជាងអ្នកដែលមិនបានញុំា។

 ៨) ការពារ ប្រឆាំងនឹងជំងឺមហារីក

ការសិក្សាជាច្រើនបានបង្ហាញថា ផ្លែបឺរ អាចរារាំងការរីកលូតលាស់ នៃជំងឺមហារីកក្រពេញប្រូស្តាត។ ទឹកអាស៊ីត oleic នៅក្នុងផ្លែបឺរ គឺមានប្រសិទ្ធភាព ក្នុងការការពារ ពីជំងឺមហារីកសុដន់ផងដែរ។

 ៩) ប្រយុទ្ធប្រឆាំង នឹងរ៉ាឌីកាល់សេរី

ផ្លែបឺរមានផ្ទុក glutathione ដែលជាសារធាតុប្រឆាំង អុកស៊ីតកម្ម ដ៏មានឥទ្ធិពល ដែលជួយប្រយុទ្ធប្រឆាំង នឹងរ៉ាឌីកាល់សេរី នៅក្នុងរាង្គកាយ។

 ១០) ប្រឆាំងភាពចាស់

ផ្លែបឺរសម្បូរទៅដោយ សារធាតុប្រឆាំងអុកស៊ីតកម្ម ដែលមានសារសំខាន់ ក្នុងការបង្ការោគសញ្ញាចាស់។ glutathione នៅក្នុងផ្លែបឺរ បង្កើនប្រព័ន្ធភាពស៊ាំ ពន្យឺតភាពចាស់ និងជួយដល់ប្រពន្ធ័សសៃប្រសាទ។

 ១១) ជួយបំបាត់ក្លិនមាត់

ផ្លែបឺរ គឺជាផ្នែកមួយ នៃឱសថបំបាត់ក្លិនមាត់ និងដង្ហើមអាក្រក់។ វាជួយសម្អាតពោះវៀន ដែលជាមូលហេតុ ពិតប្រាកដ នៃច្រាំងអណ្តាត និងក្លិនមាត់អាក្រក់។

 ១២) ជួយបង្កើនការស្រូបយកសារធាតុចិញ្ចឹម

ទទួលទានផ្លែបឺរ ជួយបង្កើន ការស្រូបយកសារធាតុចិញ្ចឹម។ ការសិក្សាមួយ បានបង្ហាញថា នៅពេលដែលអ្នក បរិភោគសាលាដ រួមបញ្ចូលទាំងផ្លែបឺរ នឹងអាចស្រូបយក carotenoids ចំនួនប្រាំដង (ជាក្រុមមួយនៃសារធាតុចិញ្ចឹម ដែលរួមមានសារធាតុ បេតាការ៉ូទីន និងសារធាតុ លីកូពីន) ជាងអ្នកដែលមិនបាន ទទួលទានផ្លែបឺរ។

 ១៣) ជួយថែរក្សាសម្រស់ស្បែក

ប្រេងផ្លែបឺរ ត្រូវបានគេ យកទៅបន្ថែម នៅក្នុងគ្រឿងសំអាងជាច្រើន ដោយសារតែសមត្ថភាព ក្នុងការចិញ្ចឹមស្បែក និងធ្វើឱ្យស្បែកភ្លឺថ្លា។ វាក៏ជួយក្នុងការព្យាបាល ជំងឺស្បែករបកក្រហម ជំងឺស្បែកដែលបណ្តាលឱ្យរលាកស្បែក និងក្រហម។

 ១៤) ជួយដល់អ្នកស្គមស្គំាងឡើងទំងន់

ផ្លែបឺរ១០០ក្រាម មានកាឡូរី២០០។ ជាធម្មតាផ្លែឈើ ១០០ក្រាម មានកាឡូរីប្រមាណ 60-80 កាឡូរី។ ដោយសារតែមាន បរិមាណខ្ពស់នៃកាឡូរី ទើប ផ្លែបឺរ គឺជារបបអាហារដ៏ល្អបំផុត សម្រាប់មនុស្ស ដែលចង់ទទួលបានទំងន់។ ផ្លែបឺរគឺជាប្រភពផ្លែឈើធម្មជាតិ ដែលមានកាឡូរីល្អ មិនដូចអាហារដែលមានកាឡូរី ផ្សេងទៀត ដែលអាចមានផ្ទុកជាតិខ្លាញ់លើស និងស្ករ ឡើយ។

 ១៥) កម្រិតកូឡេស្តេរ៉លទាប

ផ្លែបឺរគឺសំបូរសារធាតុ Beta-sitosterol ដែលត្រូវបាន បង្ហាញថាមាន ប្រសិទ្ធិភាព ក្នុងការបន្ថយកម្រិត កូឡេស្តេរ៉លក្នុងឈាមបាន។ យោងតាមការសិក្សាមួយ អ្នកជំងឺកម្រិតស្រាល ដែលបានបញ្ចូលផ្លែបឺរ នៅក្នុងរបបអាហារ របស់ពួកគេ សម្រាប់រយៈពេល ៧ថ្ងៃ បានធ្លាក់ចុះ ១៧% នៃកម្រិតកូឡេស្តេរ៉លក្នុងឈាម សរុបមកធ្លាក់ចុះ ២២% នៃLDL (កូឡេស្តេរ៉លអាក្រក់) និងទ្រីគ្លីសេរីត ហើយមានការកើនឡើង ១១% នៃHDL (កូឡេស្តេរ៉លល្អ)៕

8:10 AM   by liv samnang ·   0