ប្រភពមកពីៈhttp://news.sabay.com.kh
ក្រុមហ៊ុន Sony បានប្រកាសទូរសព្ទជំនាន់ថ្មីមួយនៃម៉ូដែល Xperia Z3 ដែលមានឈ្មោះថា Xperia Z3+ ដែលម៉ូដែលមួយនេះគឺស្ដើងជាងនិងស្រាលជាងម៉ូដែលមុន ហើយថែមទាំងមានល្បឿនដំណើរការលឿនជាងមុនថែមទៀតផង។
Xperia Z3+ គឺមានកំពស់ និងទទឹងដូចទៅនឹង Xperia Z3 (១៤៦ម.ម x ៧២ម.ម) ប៉ុន្តែមានកម្រាស់ស្ដើងជាងម៉ូដែលមុនដោយមានកម្រាស់ត្រឹមតែ ៦,៩ម.ម និងមានទម្ងន់ ១៤៤។
ជាមួយនឹង CPU បានបំពាក់ដោយ octa-core Qualcomm Snapdragon 810 ដែលក្រុមហ៊ុន Sony បានអះអាងថា ដំណើរការល្អនិងមានល្បឿនលឿនជាងម៉ូដែលមុន។ ជាមួយគ្នានោះដែរ កាមេរ៉ាក៏បានបង្កើនទំហំដល់ 5MP និងកាមេរ៉ាក្រោយទំហំ 20.7 MP។ ចំណែកឯថាមពលថ្ម 2930 mAh ទាបជាងម៉ូដែលមុន (3,100mAh) ប៉ុន្តែ Sony អះអាងថា រយៈពេលប្រើប្រាស់បាន ២ ថ្ងៃដូចគ្នា ប៉ុន្តែរយៈពេលសាកលឿនជាង ដោយចំណាយពេលត្រឹមតែ ៤៥ នាទីប៉ុណ្ណោះ។
Xperia Z3+ នឹងត្រូវបានដាក់លក់ទូទាំងពិភពលោកក្នុងខែមិថុនាខាងមុខនេះ ដែលមានបួនពណ៌ដូចជា ខ្មៅ ស ទង់ដែង និងបៃតងខ្ចី រីឯតម្លៃពុំទាន់បានប្រកាសនៅឡើយនោះទេ។
លក្ខណៈសម្បត្តិសំខាន់ៗរបស់ Xperia Z3+៖
– អេក្រង់ ៥,២អ៊ីញ ប្រភេទ Full HD និងមាន Resolution 1920 x 1080 pixels
– Memory៖ 32GB (អាចបន្ថែមក្រៅបាន 128GB), RAM 3GB
– កាមេរ៉ា៖ ក្រោយ 20.7 MP ជាមួយ Sony Exmor RS sensor និងមុខ 5.1 MP
– ប្រព័ន្ធប្រតិបត្តិការ៖ Android™ 5.0 (Lollipop)
– CPU៖ 64 bit Qualcomm Snapdragon 810 Octa Core processor (Quad-core 2.0 GHz + Quad core 1.5 GHz)
– ថាមពលថ្ម៖ 2930 mAh
– មិនជ្រាបទឹកនិងធូលី៕