ប្រភពមកពី៖http://www.khmerload.com
អេស៉្បាញ៖ កីឡាករ Cristiano Ronaldo បានបង្ហាញ ពីភាពស្និទ្ធស្នាល ជាមួយនឹង អ្នកគាំទ្រ បន្ទាប់ពីរូបគេ បានបន្លំ តែងខ្លួនជាអ្នកសុំទានមកលេង បាល់ជាមួយ កូនក្មេង នៅទីក្រុង ម៉ាឌ្រីដ។ ជើងឯក ជ័យលាភី FIFA Ballon d’or រូបនេះ បានស្លៀក សំលៀកបំពាក់ បន្លំឲ្យមើលទៅធាត់ បន្ថែមជាមួយពុក មាត់ ពុកចង្កា និង សក់ក្លែងក្លាយ។
ក្រោយមក បានបន្តិច Ronaldo បង្ហាញខ្លួន ដោយបាន ដោះសំលៀកបំពាក់ និង គ្រឿងបន្លំ របស់គេចេញ នៅត្រង់ ទីប្រជុំជន Plaza de Callao ដែលធ្វើឲ្យ មនុស្សម្នា យ៉ាងច្រើន ផ្អើលចោមរោម ខ្សែប្រយុទ្ធក្លឹប Real Madrid រូបនេះ ។
គួរបញ្ជាក់ផងដែរថា កីឡាករ Cristiano Ronaldo បានរង នូវការបណ្តេញ ចេញពី ទីលានប្រកួត កាលពីល្ងាច ថ្ងៃសៅរ៍ បន្ទាប់ពីរូបគេប្រើហិង្សាលើទីលាន ប្រកួតនៅក្នុងការ ប្រកួតក្របខណ្ឌ La Liga ទល់នឹង Cordoba។ យ៉ាងណាមិញ Ronaldo ក៏បានសំដែងការសុំទោស នៅលើបណ្តាញសង្គម Twitter នៅក្រោយ ចប់ការប្រកួតផងដែរ៕
កីឡាករ Ronaldo ក្លែងធ្វើជាអ្នកសុំទាន
រូបគេបានទៅលេងបាល់ជាមួយកូនក្មេងនៅទីក្រុងម៉ាឌ្រីដ
ក្រោយមក កីឡាករ Ronaldo បានដោះពុកចង្កា សក់ ពុកមាត់ក្លែងក្លាយរបស់គេចេញ
https://www.youtube.com/watch?v=e8E2dLRvDPo
