នៅរសៀលថ្ងៃទី១៣ ខែសីហា ឆ្នាំ២០១៥នេះនិស្សិតផ្នែកទំនាក់ទំនងសង្គម និងសារព័ត៌មានបានទៅធ្វើកម្មសិក្សានៅ ស្ថាប័ន ព័ត៌មាន KQUBE។ លោក ហ៊ី ចាន់ហាន នាយកគ្រប់គ្រងទូទៅក្រុមហ៊ុន ស៊ីអាយណេត ថេកណឡជី និងជាស្ថាបនិកគេហទំព័រព័ត៌មាន KQUBE បានសម្ដែងនៅការរីករាយ និងស្វាគមន៍ ចំពោះលោកគ្រូអ្នកគ្រូ និងនិស្សិតសាលាបច្ចេកទេសដុនបូស្កូ។
លោក ហ៊ី ចាន់ហាន បានឲ្យដឹងថា នេះក៏ជាឱកាសមួយដ៏សំខាន់ ដើម្បីឲ្យប្អូនៗនិស្សិត រួមទាំងលោកគ្រូអ្នកគ្រូទាំងអស់ដែលបានអញ្ជើញមកបានស្គាល់គេហទំព័រព័ត៌មាន KQUBE កាន់តែច្បាស់ ជាពិសេសនិស្សិតដែលកំពុងសិក្សាផ្នែក ព័ត៌មានវិទ្យា និងផ្នែកសោតទស្សន៍ទាំងអស់បានសិក្សាទៅលើមុខជំនាញរបស់ខ្លួនបន្ថែម ជាមួយក្រុមការងារ KQUBE ផងដែរ។ នៅក្នុងនោះផងដែរនិសិត្ស ទាំងអស់បានបែងចែកទៅតាមជំនាញដែលខ្លួនបានជ្រើសរើស មានៈ Web Development IT Network និងJournalism ដែល Web Development មានសិក្ខាកាមជាង១០នាក់ IT Network មាន៤ទៅ៥នាក់ប៉ុណ្ណោះ ឯ Journalism មានរហូតទៅដល់២០នាក់ឯណោះ។
 |
|
